Турк: Каппадокиад агаарын бөмбөлгөөр хөөрсөн жуулчдын тоо 4.7 сая хүрчээ

Б.Бадамзул

Анд нөхдийн мэдээ

2025-05-06

Сүүлийн арван жилийн хугацаанд Туркийн Каппадокиад очсон 4,765,240 жуулчин агаарын бөмбөлөгт суужээ. Тус бүсэд 156 агаарын бөмбөлгөөр цаг агаарын байдлаас хамааран жилд дунджаар 220 өдөр жуулчдад үйлчилдэг байна. Каппадокиа бол Туркийн дотоодын болон гадаадын жуулчдын аль алиных нь хамгийн ихээр зорьдог газар бөгөөд 2015 онд 500 мянган хүн агаарын бөмбөлгөөр аялсан бол өнгөрсөн онд энэ тоо 770 мянгад хүрснийг тус улсын Иргэний агаарын тээврийн захиргаанаас мэдээлэв. Дэлхий дахинаа Египет, Мексик, Танзани, Кени, Мароккод агаарын бөмбөлгөөр хөөрч байгалийн үзэсгэлэнг үзэх боломжтой ч жуулчдын 40 хувь нь илүү тааламжтай цаг агаар бүхий Каппадокиаг сонгодог байна.